صباح الخير للحلوين
كان ياماكان في قديم الزمان
كان عندي الطاولة المشهورة حقت ايكيا وانكسرت و رميتها
بس الجزء الي في الوسط كان كويس ورهيب حسيت طلعت منه نجوم تناديني :)
قلت
حخلية فترة ولو مااشتغلت عليه ارمية
...
وامس
جاني الالهام وقلت اقسمة وألون كل قسم بالشكل اللي يعجبني وأستخدمة كخلفيات تصوير:)
الحلو
انك تقدري تتحكمي في الحجم والمساحة والدرجات زي ماتحبي
في
البداية قلت أسوي خلفيات خشبية فاتحة وغامقة وبعدين أحدث الموضوع لمااكمل الجزء
الخلفي وأضيف الصور
اول
حاجة خلينا نشوف الادوات
فرش لدهن اللون من هذا النوع بالذات عشان يسهل عليكم سحب اللون
وكمان فرش صغيرة عشان الاطراف ومرحلة التعديل
حتستخدمو هذول النوعين لو حابين تعطو تأثير الخشب وواضح في الصورة انهم درجتين تختاور اللي تحبو لو فاتح او غامق
أخذتهم من جرير العلبه ب9 ريال
طبعا نقلت الطاولة للمطبخ مايحتاج مكان مفتوح لان هذي المادتين مالهم رائحة قوية وينشفو بسرعة
ضروري مسح السطح قبل مانشتغل علية
بعدها نبدأ نحط اللون ونسحبة من فوق لتحت ومهم يكون بنفس الاتجاة
لو احتاج تعديل تبللو منشفة صغيرة وتمسحو المكان اللي حتعدلوة وتنشفووة وتدهنو تاني
وبكدة تقدرو تتحكمو في المساحة والحجم وكل شي بالشكل اللي يناسبكم
واللي حاب يضيف في الاخير طبقة الورنيش بعد جفاف العمل تماما
عشان يحافظ علية من التخديش والعوامل الخارجية مثل الرطوبة والماء ...
هذي بعض الصور عليه
-دمتم بفرح-
ليست هناك تعليقات:
إرسال تعليق